Contents
श्री भीष्म स्तुति लिरिक्स
shri bheesam satuti
श्री भीष्म स्तुति लिरिक्स (हिन्दी)
इति मतिरुपकल्पिता वितृष्णा भगवति सात्वतपुङ्गवे विभूम्नि । स्वसुखमुपगते क्वचिद्विहर्तुं प्रकृतिमुपेयुषि यद्भवप्रवाहः ॥ १ ॥
त्रिभुवनकमनं तमालवर्णं रविकरगौरवराम्बरं दधाने । वपुरलककुलावृताननाब्जं विजयसखे रतिरस्तुमेऽनवद्या ॥ २ ॥
युधि तुरगरजोविधूम्रविष्वक्-कचलुलितश्रमवार्यलङ्कृतास्ये । मम निशितशरैर्विभिध्यमान-त्वचि विलसत्कवचेऽस्तु कृष्ण आत्मा ॥ ३ ॥
सपदि सखि वचो निशम्य मध्ये निजपरयोर्बलयो रथं निवेश्य । स्थितवति परसैनिकायुरक्ष्णा हृतवति पार्थसखे रतिर्ममास्तु ॥ ४ ॥
व्यवहितपृतनामुखं निरीक्ष्य स्वजनवधाद्विमुखस्य दोषबुद्ध्या । कुमतिमहरदात्मविद्यया यः चरणरतिः परमस्य तस्य मेऽस्तु ॥ ५ ॥
स्वनिगममपहाय मत्प्रतिज्ञा-मृतमधिकर्तुमवप्लुतो रथस्थः । धृतरथचरणोऽभ्ययाच्चलद्गु-र्हरिरिव हन्तुमिभं गतोत्तरीयः ॥ ६ ॥
शितविशिखहतो विशीर्णदंशः क्षतजपरिप्लुत आततायिनो मे । प्रसभमभिससार मद्वधार्थं स भवतु मे भगवान् गतिर्मुकुन्दः ॥ ७ ॥
ललितगतिविलासवल्गुहास-प्रणयनिरीक्षणकल्पितोरुमानाः । कृतमनुकृतवत्य उन्मदान्धाः प्रकृतिमगन्किल यस्य गोपवध्वः ॥ ८ ॥
मुनिगणनृपवर्यसङ्कुलेऽन्तः-सदसि युधिष्ठिरराजसूय एषाम् । अर्हणमुपपेद ईक्षणीयो मम दृशिगोचर एष आविरात्मा ॥ ९ ॥
तमिममहमजं शरीरभाजां हृदि हृदि धिष्ठितमात्मकल्पितानाम् । प्रतिदृशमिव नैकधार्कमेकं समधिगतोऽस्मि विधूत भेदमोहः ॥ १० ॥
Download PDF (श्री भीष्म स्तुति)
श्री भीष्म स्तुति
Download PDF: श्री भीष्म स्तुति
श्री भीष्म स्तुति Lyrics Transliteration (English)
iti matirupakalpitA vitRRiShNA bhagavati sAtvatapu~Ngave vibhUmni | svasukhamupagate kvachidvihartuM prakRRitimupeyuShi yadbhavapravAhaH || 1 ||
tribhuvanakamanaM tamAlavarNaM ravikaragauravarAmbaraM dadhAne | vapuralakakulAvRRitAnanAbjaM vijayasakhe ratirastume.anavadyA || 2 ||
yudhi turagarajovidhUmraviShvak-kachalulitashramavAryala~NkRRitAsye | mama nishitasharairvibhidhyamAna-tvachi vilasatkavache.astu kRRiShNa AtmA || 3 ||
sapadi sakhi vacho nishamya madhye nijaparayorbalayo rathaM niveshya | sthitavati parasainikAyurakShNA hRRitavati pArthasakhe ratirmamAstu || 4 ||
vyavahitapRRitanAmukhaM nirIkShya svajanavadhAdvimukhasya doShabuddhyA | kumatimaharadAtmavidyayA yaH charaNaratiH paramasya tasya me.astu || 5 ||
svanigamamapahAya matpratij~nA-mRRitamadhikartumavapluto rathasthaH | dhRRitarathacharaNo.abhyayAchchaladgu-rhaririva hantumibhaM gatottarIyaH || 6 ||
shitavishikhahato vishIrNadaMshaH kShatajaparipluta AtatAyino me | prasabhamabhisasAra madvadhArthaM sa bhavatu me bhagavAn gatirmukundaH || 7 ||
lalitagativilAsavalguhAsa-praNayanirIkShaNakalpitorumAnAH | kRRitamanukRRitavatya unmadAndhAH prakRRitimagankila yasya gopavadhvaH || 8 ||
munigaNanRRipavaryasa~Nkule.antaH-sadasi yudhiShThirarAjasUya eShAm | arhaNamupapeda IkShaNIyo mama dRRishigochara eSha AvirAtmA || 9 ||
tamimamahamajaM sharIrabhAjAM hRRidi hRRidi dhiShThitamAtmakalpitAnAm | pratidRRishamiva naikadhArkamekaM samadhigato.asmi vidhUta bhedamohaH || 10 ||
श्री भीष्म स्तुति Video
श्री भीष्म स्तुति Video