सीरवी मतवाला आई माता जी फागण गीत लिरिक्स
Sirvi Matwala Aai Mata Ji Fagan Geet
सीरवी मतवाला आई माता जी फागण गीत लिरिक्स (हिन्दी)
अररर सीरवी मतवाला,
जियो जियो रे सीरवी मतवाला,
ज्यापर आई माताजी री,
कृपा भारी ओ,
सीरवी मतवाला।।
सीरवी बंधु दिन उगता ही,
आईजी रो नाम लेवे ओ,
हे खेती बाड़ी करे चाव सु,
अन्न निपजावे ओ,
सीरवी मतवाला।।
अरे धोली धोती धोलो कुरतो,
माथे साफो सोवे,
हे गला माई फूल सोने रो,
पग में मोजडी ओ,
सीरवी मतवाला।।
अरे सीरवी बंधु भारत देश में,
कारोबार चलावे ओ,
हे माताजी री मेहर घणी,
वे नाम कमावे ओ,
सीरवी मतवाला।।
अरे चांदनी बीज ने सीरवी बंधु,
एक अखतो पाले ओ,
हे माताजी रा नियम पाले,
आईजी ने ध्यावे ओ,
सीरवी मतवाला।।
अरे फागन वालो महीनो आवे,
चंग घेरा बाजे ओ,
बांध घुंगरा गेरीया नाचे,
गुलाल उडावे ओ,
सीरवी मतवाला।।
अरे मान मर्यादा में रेवे सीरवी,
सदा आनंद में रेवे ओ,
हे घर आया निज मेहमाना ने,
आदर देवे ओ,
सीरवी मतवाला।।
अरे मनीष सीरवी कलम चलावे,
फागन गीत बनावे ओ,
हे माली दिनेश नागौर जिला रो,
फागन गावे ओ,
सीरवी मतवाला।।
अररर सीरवी मतवाला,
जियो जियो रे सीरवी मतवाला,
ज्यापर आई माताजी री,
कृपा भारी ओ,
सीरवी मतवाला।।
गायक दिनेश जी माली नागौर।
सीरवी मतवाला आई माता जी फागण गीत Video
सीरवी मतवाला आई माता जी फागण गीत Video